CXCVI.

1346, September 14. Baitzen.

Nicolaus von Danielwitz vergleicht sich mit dem Kloster wegen der Grenzen ihrer beiderseitigen Besitzungen.

In nomine domini amen. Noverint universi presentem paginam inspecturi, quod ego Nycolaus de Danyelwicz una cum domina Elyzabeth uxore mea legittima ac omnibus meis filiis videlicet Nyczkone, Hynczkone, Ramfoldo, Luthkone, Borutha, Bernhardo et Dirshone tenore presentium recognoscimus et publice profitemur, non coacti nec compulsi, sed de bona mentis et corporis valetudine cum omnimoda et libera voluntate seu etiam maturo nostrorum omnium amicorum consilio celebrato, religioso viro ac patri reverendo, fratri Syghardo domino abbati monasterii in Kamencz ac toto conventui ibidem quasdam rectificaciones gadium seu terminorum ac graneciarum videlicet de quodam obstaculo nostri molendini cuiusdam meatus ipsius rivuli de eodem obstaculo fluentis usque ad maiorem fluvium ipsius Nyse et etiam cum quibusdam sortibus agrorum a parte littoris utriusque ipsius Nyse adiacentium prope usque Rychenow cum omnibus usibus, utilitatibus, fructibus et proventibus iuxta et secundum, quod in omnibus suis terminis et gadibus sunt protense seu limitate pro viginti octo marcis grossorum Pragensium usualis monete, scilicet XLVIII° grossos pro marca conputando, rite et racionabiliter vendidimus tali sub condicione, quod si data presencium infra spacium sex annorum prenotatas rectificaciones gadium seu terminorum pro eadem summa pecunie videlicet viginti octo marcarum cum paratis denariis reemere non voluerimus integraliter et ex toto, ex tunc predicte rectificationes gadium seu terminorum debent spectare ac hereditarie pertinere cum sortibus agrorum perpetuis temporibus ad predictum monasterium in Kamencz qualibet impeticione nostra ac nostrorum successorum procul pulsa, ita tamen evidentius, prout in litteris magistri Andree de Rasslawicz domini officialis Wrat. confirmatoriis super eodem contractu datis plenius continetur. Si autem infra spatium prenotatum in pretactis rectificacionibus gadium seu terminorum cum sortibus agrorum reemptionem pro summa superius expressate pecunie cum paratis denariis facere poterimus totalem, ut prefertur, ex tunc prefate rectificaciones gadium seu terminorum et omnes sortes agrorum cum omnibus usibus, utilitatibus et proventibus, ad nos, ut antea, hereditarie pertinuerint, amplius iterato pertinere debent ac revertantur. Datum in Byczano anno domini M°. CCC°. XLVI°. XVIII° Kalendas Octobris. In cuius rei testimonium et evidenciam pleniorem nomine omnium nostrorum presentibus litteris meum sigillum est appensum.

Or: Perg. mit dem S. des Ausstellers (cf. No. CXCI.) an einem Pergamentstreifen.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.